सनराइज हैदराबादसँग आरसिबी २५ रनले पराजित

काठमाडौं । इन्डियन प्रिमियर लिग (आईपीएल) मा सनराइज हैदराबादसँग रोयल च्यालेन्जर्स बैंग्लोर (आरसिबी) २५ रनले पराजित भएकाे छ ।

चिन्नास्वामी स्टेडियम बेंग्लोरमा टस हारेर पहिला ब्याटिङको निम्तो पाएको हैदराबादले निर्भारित २० ओभरमा ३ विकेट गुमाउँदै २८७ रन बनायो । २८८ रनकाे लक्ष्य पछ्याएको आरसिबीले २६२ रन मात्रै बनाउन सक्यो ।

बेंग्लोरका दीनेश कार्तिकले ३५ बलमा ८३ रन बनाए । फाप डु प्लेसिसले ६२, विराट कोहलीले ४२, अनुज रावतले २५ र महिपाल लोमरोरले १९ रन बनाए । हैदराबादका प्याट कमिन्सले तीन विकेट लिए । म्यांक मार्कान्डेले दुई विकेट लिए भने टि-नटराजनले एक विकेट लिए ।

हेनरिक क्लासेनले ३१ बलमा २ चौका र ७ छक्कासहित ६७ रनको बनाए । हेडले ४१ बलमा ९ चौका र ८ छक्कासहित १०२ रनको सानदार शतकीय इनिङ खेले । अभिषेक शर्मा २२ बलमा २ चौका र २ छक्कासहित ३४ रन बनाए । त्यस्तै एडेन माक्ररमले ३२ रन र अब्दुल सामद ३७ रन बनाए ।

बेंग्लोरका लोकी फर्गुसनले दुई विकेट लिए । रिस टोप्लीले एक विकेट लिए ।