sevenstartv.com ७ फागुन २०८१, बुधवार

नेपालको लगातार तेस्रो हार, सिरिजबाट बाहिरियो

२० माघ २०८१, आइतवार स्टार संवाददाता

काठमाडौं‍ । अन्तर्राष्ट्रिय टी-२० शृङ्खलामा नेपालले लगातार तेस्रो हार बेहोरेको छ । आइतबार कीर्तिपुर स्टेडियममा भएको खेलमा नेपाललाई नेदरल्याण्ड्सले १५ रनले परराजित गरेको हो । 

नेदरल्याण्ड्सले दिएको १४१ रनको लक्ष्य पछ्याउने क्रममा नेपाली महिला टोली निर्धारित २० ओभरमा ८ विकेट गुमाउँदै १२५ रनमा समेटियो । नेपालका लागि इन्दु बर्माले ३०, सम्झना खड्काले २३, पूजा महतोले १८ र कविता जोशीले १४ रन बनाए। सीता राना १० रनमा नटआउट रहिन् । नेपालका लागि १४ रन अतिरिक्तका रुपमा मिल्यो ।

यसअघि त्रिवि क्रिकेट मैदानमा टस जितेर पहिले ब्याटिङ गरेको नेदरल्याण्ड्सले निर्धारित २० ओभरमा ९ विकेट गुमाएर १४० रन बनाएको थियो । नेदरल्याण्डस्का लागि बवितेडी लिडाले सर्वाधिक ४१ र हेटर साइग्रेसले २६ रन बनाएकी थिइन् । फोवे मोल्कन्बरले र रोविना रिजर्कले समान २१/२१ रनको योगदान दिए ।

बलिङमा नेपालकी सीता राना मगर एक्लैले ५ विकेट लिएकी थिइन् । ३ ओभर बलिङ गरेकी उनले १२ रन दिएर ५ विकेट झारिन्। मनिषा उपाध्यायले २ विकेट लिइन् । कविता जोशी र इन्दु बर्माले समान १/१ विकेट झारे ।

घरेलु भूमिमा लगातार हारपछि नेपाल सिरिजबाट बाहिरिएको छ । नेपालले मंगलबार अन्तिम खेल थाइल्याण्डसँग खेल्नेछ । खेल नेपालका लागि औ‍पचारिकता मात्रै हुनेछ । यसघि नेपालले दुवै खेल गुमाएको थियो ।

 

सम्बन्धित समाचार

स्टार अपडेटस्

स्टार ट्रन्डिङ्गस्