इजरायली प्रधानमन्त्री नेतन्याहुले दिए ट्रम्पलाई बधाई

काठमाडौं । इजरायलका प्रधानमन्त्री बेन्जामिन नेतन्याहुले अमेरिकी राष्ट्रपति पदका उम्मेदवार डोनाल्ड ट्रम्पलाई बधाई दिएका छन् । ट्रम्प अमेरिकी राष्ट्रपति निर्वाचनमा विजयोन्मुख रहँदै इजरायल प्रधानमन्त्री नेतन्याहुले बधाई दिएका हुन् । 

उनले  ‘ऐतिहासिक महान् पुनरागमनका लागि बधाई’ भनेका छन् । ह्वाईट हाउसमा ऐतिहासिक पुनरागमनले अमेरिकालाई नयाँ सुरुआत दिने र इजरायल–अमेरिकाबिच महानतम् गठबन्धनको शक्तिशाली प्रतिबद्धताको अवसर दिएको उनले भनेका छन् ।

ट्रम्पको जितलाई उनले ठूला जित भनेका छन् । यस सगैँ हङ्गेरीका प्रधानमन्त्री भिक्टर ओर्बनले पनि यस्तै खालको बधाई दिएका छन् । उनले ट्रम्पको जितलाई विश्वलाई अति नै चाहिएको जित भनेका छन् ।