हङकङ सिक्सेस क्वाटरफाइनल : नेपाल श्रीलंकासँग पराजित

काठमाडौं । हङकङमा जारी हङकङ इन्टरनेसनल सिक्सेसको क्वाटरफाइनलमा नेपाल श्रीलंकासँग ४० रनले पराजित भएको छ । 

आज दिउँसो भएको खेलमा श्रीलंकाले दिएको १२४ रनको लक्ष्य पछ्याएको नेपाल ८३ रनमा अलआउट भयो । नेपालका राशिद खानले ८ छक्का र एक चौकासहित ५५ रन बनाए पनि जितका लागि पर्याप्त हुन सकेन । अन्य ब्याट्सम्यानले राम्रो प्रर्दशन गर्न नसक्दा नेपाल पराजित भयो । 

नेपालका नारायण जोशीले १३ रन बनाउनबाहेक अरुले दोहोरो अंक जोड्न सकेनन् । कप्तान सन्दीप जोरा र प्रतिश जिसी शून्य रनमै आउट भए । लोकेश बम ६ र विवेक यादव ५ रनमा आउट भए । यसअघि नेपालले इंग्ल्याण्ड र अष्ट्रेलियालाई हराउँदै क्वाटरफाइनल यात्रा तय गरेको थियो ।