आज विश्व शौचालय दिवस

काठमाडाैं । आज विश्व शौचालय दिवस नेपालमा पनि मनाइँदै छ । प्रत्येक वर्ष नोभेम्बर १९ का दिन विश्वभर शौचालय दिवस मनाइन्छ ।

विश्व शौचालय दिवसको अवसरमा संयुक्त राष्ट्र सङ्घले परिवर्तनलाई बढावा दिऔँ भन्ने नाराका साथ संसारभर सफाइ चेत विस्तार गर्न शौचालय दिवस मनाइँदै छ ।

नेपाललाई २०७६ सालको असोज १३ गते नै खुला दिसामुक्त देश घोषणा गरिएको छ । तर अझै पनि झण्डै साढे ५ प्रतिशत जनसङ्ख्यासँग शौचालयको अभाव छ । संयुक्त राष्ट्र सङ्घका अनुसार विश्वका साढे ३ अर्ब मानिसहरु अझै पनि शौचालयको सुविधाबाट वञ्चित छन् । त्यसमध्ये ४१ करोड ९० लाख मानिस अझै पनि खुलाठाउँमा दिसापिसाब गर्ने गर्दछन् ।

खुला दिसा र पिसाबका कारण फैलने रोगले विश्वमा दैनिक एक हजार बालबालिकाको ज्यान जाने गरेको छ । नेपालले आधारभूत सरसफाइमा प्रगति हासिल गरे पनि सुरक्षित रुपमा व्यवस्थापन गरिएको सरसफाइमा भने नेपालको प्रगति कमजोर रहेको विज्ञहरु बताउ छन् ।