जुम्लाको स्वास्थ्य विज्ञान प्रतिष्ठानमा डायलासिस सुरु भएपछि स्थानीय खुसी

काठमाडौं । जुम्लाको स्वास्थ्य विज्ञान प्रतिष्ठानमा डायलासिस सुरु भएपछि स्थानीय खुसी भएका छन् ।  स्वास्थ्य तथा जनसंख्या मन्त्री मोहनबहादुर बस्नेतले जुम्लाको स्वास्थ्य विज्ञान प्रतिष्ठानमा डायलासिस सुरु भएपछि स्थानीय खुसी भएका बताएका हुन्।  मन्त्री बस्नेतले भदौ १४ गते  उक्त  प्रतिष्ठानमा डायलासिस सेवाको सुभारम्भ गरेका थिए ।

मन्त्री बस्नेतले कर्णाली स्वास्थ्य विज्ञान प्रतिष्ठानको विकास र उपचार सेवा विस्तारका लागि आफूले पहिलो प्राथमिकता दिएर काम गर्ने प्रतिवद्धता व्यक्त गरेका हुन् । स्थानीयवासीले मन्त्री बस्नेतको भ्रमणपछि प्रतिष्ठानमा स्वास्थ्य सुविधा थपिने र उपचार सेवा सहज हुने आशा गरेका छन् ।

मन्त्री बस्नेतले बोलेको कुरा पुरा गर्ने भन्ने सुनेकोले उनिप्रति आफूहरुले बढी विश्वास गरेको स्थानीय  कमल सेजुवालले बताए ।  अरु ठाउँको भन्दा जुम्लाको स्वास्थ्य सेवा प्राथमिकतामा राख्छु भन्ने जानकारि दिएका हुन् । विश्व स्वास्थ्य संगठनका नेपाल प्रतिनिधि डा.राजेश पाण्डव संभाजीरावले स्वास्थ्य मन्त्री बस्नेतलाई स्कील ल्याव टेनिङ सेमुलेसन उपकरण हस्तान्तरण गरेका थिए । यी उपकरणले प्रतिष्ठानमा विभिन्न तालिम सञ्चालनका लागि सहज हुनेभएको जनाए ।

हस्तान्तरण कार्यक्रममा प्रदेश र संघीय सरकारका सांसदहरुको सहभागितामा मन्त्री बस्नेतले कर्णाली प्रदेशको राजधानी सुर्खेतमा त्यस क्षेत्रका स्थानिय सरकारका प्रमुख , उपप्रमुख र स्वास्थ्य प्रमुखहरुसँग त्यस क्षेत्रको अवस्थाको वर्तमान अवस्था र स्वास्थ्य सुधारका लागि चाल्नु पर्ने सुधारका विषयमा अन्तरक्रिया गरेका हुन् ।