गलत रिपोट दिएपछि अस्पताल प्रशासनविरुद्ध युवाहरूको प्रदर्शन

जनकपुरधाम । जनकपुरधामस्थित प्रादेशिक अस्पतालले गलत रिपोर्ट दिएको भन्दै युवाहरूले विरोध प्रदर्शन गरेका छन् । उपचारकालागि पुगेकी एक गर्भवती महिलाको रगत जाँचपछि अस्पतालले गलत रिपोट बुझाएपछि अस्पताल प्रशासनबिरुद्ध टायर बालेर प्रदर्शन गरेका हुन् ।

प्रदर्शनमा उत्रिएका ५ जना युवालाई प्रहरीले नियन्त्रणमा समेत लिएको छ । प्रहरीले वीरेन्द्र यादव, अजित अन्सारी, सञ्जय साह, अनु राई न र समीर सिद्धिकीलाई सडकमै टायर बालेर प्रदर्शन गरेको भन्दै नियन्त्रणमा लिएको हो । धनुषाको शहीद नगर नगरपालिका वडा नम्बर २का अजय यादव श्रीमती शर्मिला देवीलाई जाँच कालागि प्रादेशिक अस्पताल लगेका थिए ।

गर्भवती रहेकी शर्मिलाको रगतको जाँचपछि अस्पताल प्रशासनले दिएको रिपोट गल रहेको उनको श्रीमान् अजयले आरोप लगाएका छन् । उनका अनुसार रगतमा हुने प्लेटलेट्सको जाँच चिकित्सकले गरेका थिए । तर रगत जाँचपछि दुई फरक फरक रिपोर्ट आएपछि युवाहरू अस्पताल प्रशासनविरुद्ध प्रदर्शनमा उत्रिएका थिए । स्वस्थ व्यक्तिको रगतमा प्लेटलेट्स डेढ लाखदेखि चार लाखसम्म हुन्छ ।

शनिबार शर्मिलाको रगतको जाँच गर्दा प्लेटलेट्स २२ हजार मात्रै रहेको रिपोर्टमा उल्लेख थियो । यो रिपोर्टमाथि शंका लागेर परिवारले आइतबार फेरि जाँच गराउँदा १० हजार मात्रै प्लेटलेट्स रिपोर्टले देखाए्रको अजयको आरोप छ । १० हजार मात्रै प्लेटलेटस देखिएपछि चिकित्सकले शर्मिलालाई उपचारकारलागि बाहिर तत्काल लैजान भनेका थिए ।

चिकित्सकले बाहिर लैजान भने पनि शर्मिलाको अवस्था सामान्य देखेपछि परिवारजनले अर्कै अस्पतालमा जाँच गराउँदा सामान्य रिपोर्ट आएको अजयले बताए ।