‘एकले अर्कालाई घोचेर मात्र हुँदैन, आफूभित्रको कमीकमजोरी पहिचान गरौँ’

काठमाडौं । नेकपा एकीकृत समाजवादीका अध्यक्ष माधवकुमार नेपालले सरकार आफ्नो हातबाट फुस्किए पछि अरूलाई सत्तोसराप नगर्न नेकपा एमालेका अध्यक्ष केपी शर्मा अ‍ोलीलाई आग्रह गरेका छन् ।

सोमबार प्रतिनिधिसभा बैठकमा ओलीप्रति व्यंग्य गर्दै उनले सरकार किन गुम्यो त्यसमा आत्म समीक्षा गर्न सुझाव दिँदै अरूलाई सत्तोसराप गरेर केही नहुने बताए ।

उनले भने, ‘सहकार्य आवश्यक छ । सरकारमा बस्न सकिए छुट्टै कुरा हो । एकले अर्कालाई घोचेर मात्र हुँदैन । पीडा, व्यथा पोखेर मात्र हुँदैन । आफूभित्र के कमीकमजोरी रहे सबैले पहिचान गरौं । त्यसमा सुधार गरौं । हामीमा सबैभन्दा ठूलो समस्या व्यक्तिवाद, सर्वमान्य ठान्ने प्रवृत्तिबाट मुक्त हुन, भ्रष्टाचारमा चुर्लुम्म ढुब्ने प्रवृत्तिबाट मुक्त हुन सकिएन भने विकास सम्भव छैन्,’ सरकारमा बस्न सकिएन, त्यो बेग्लै कुरा हो । किन बस्न सकिएन रु अरूलाई दोष दिएर हुँदैन । बनिसकेको सरकार किन आफ्नो हातबाट फुस्कियो रु अरूलाई सत्तोसराप गरेर हुँदैन ।’

ओलीप्रति व्यंग गर्दै उनले व्यक्तिवादी र सर्वज्ञानी ठान्ने रोग अहिले सबैभन्दा ठूलो समस्या भएको उनको भनाई थियो ।