कानुन समितिको कार्यविधि पारित : पाँच बैठकमा अनुपस्थित हुने सदस्यलाई निष्कासन गरिने

काठमाडौं । प्रतिनिधिसभा बैठकमा विनासूचना निरन्तर ५ वटा बैठकमा अनुपस्थित भएका सांसदहरु समिति सदस्यबाट निष्कासनमा पर्न भएका छन् । कानुन न्याय तथा मानवअधिकार समितिले आन्तरिक कार्यविधिमा विना जानकारी पाँच बैठकमा अनुपस्थित हुने सदस्यलाई निष्काशन गर्ने व्यवस्था गरिएको हो ।

बिहीबार विहान नौ बजे बसेको बैठकले समितिको आन्तरिक कार्यविधि परिमार्जनसहित पारित गरेको हो । जेष्ठ सदस्य शेरबहादुर देउवा अनुपस्थित भएपछि देउवा पछिका जेष्ठ सदस्य गुप्ताको सभापतित्वमा समितिको बैठक बसेको हो । ५ वटा बैठकसम्म निरन्तर अनुपस्थित रहनुपर्ने भएमा सभापतिलाई लिखित जानकारी गराउनुपर्ने व्यवस्था कार्यविधिमा रहेको जनाइएको छ । अनुपस्थित हुने जानकारी एसएमएसबाट गराउन सकिने व्यवस्था छ । त्यस्तै संविधानले मानवअधिकारलाई निर्देशन दिननमिल्ने भनेकाले प्रतिवेदनमा छलफल गर्ने व्यवस्था राखिएको छ ।

विना जानकारी निरन्तर ५ वटा बैठकमा अनुपस्थित रहे सभापतिले समिति सदस्यबाट निष्कासन गर्न सक्ने प्रस्तावसहितको कार्यविधि समितिमा प्रस्तुत गरेइएको थियो ।