मदन-आश्रित भजाएर राजनीति गर्ने एमालेले चुहाउने गोहीका आँसु 

स्टार संवाददाता
स्टार संवाददाता

काठमाडौं । आज मदन-आश्रित स्मृति दिवस । नेकपा एमालेका तत्कालीन महासचिव मदन भण्डारी तथा संगठन विभाग प्रमुख जीवराज आश्रितको देहान्त भएको दिन । २०५० साल जेठ ३ गते दासढुंगा, चितवनमा रहस्यमय जिप दुर्घटना परी दुवै नेताको निधन भएको दिनको सम्झनामा आज देशै भरी श्रद्धा सुमन व्यक्त गरी स्मृति दिवस मनाइयो ।

यसरी हरेक वर्ष मदन आश्रितको सम्झनामा स्मृति दिवस मनाइरहँदा उनीहरूले न्याय पाएका छन् त भन्ने प्रश्न जनमानसमा पनि उठ्ने गरेको छ । उक्त घटनालाई त्यस बखत दुर्घटना नभई हत्या भएको भन्दै छानबिनको माग सहित ठुलो जनलहर उर्लिएको थियो । तर घटनाको ३ दशक पुग्दा पनि घटना कसरी घटेको थियो भन्ने रहस्यको गर्भमै छ । घटना भएको सुरुका समयमा छानबिन समिति गठन गर्ने दबाब सिर्जना गर्ने पनि भए, घटनाको छानबिन गरी प्रतिवेदन पनि ल्याइयो तर त्यो छानबिनलाई नेपाली जनताले ३ दशकसम्म आई पुग्दा पनि विश्वास गरेको अवस्था छैन ।

पछिल्लो समय नेकपा एमालेले भण्डारीकै आदर्शलाई कार्यदिशा बनाउँदै जनताको बहुदलीय जनवादलाई अंगिकार गरेर अघि बढेको छ । नेपालको सबैभन्दा ठुलो कम्युनिस्ट पार्टीकारूपमा आफूलाई उभ्याएको यो पार्टी पटक–पटक सरकारको नेतृत्वमा पुगेको छ । अझ त्यो भन्दा पनि ठुलो संयोग, तिनै मदन भण्डारीकी धर्मपत्नी विद्या भण्डारी दुई पटक यो मुलुकको राष्ट्रपतिको भूमिकामा पुगिन । तर, भण्डारीकै परिवारले समेत दासढुंगाकाण्ड सम्बन्धी छानबिन प्रतिवेदन बाहिर ल्याउन चासो नदेखाउन सकेन भने पार्टी अध्यक्ष केपी शर्मा ओलीले सत्ता र पार्टी नेतृत्वमा नपुग्दासम्म जुन रूपमा हुँकार देखाएर मदन भण्डारीको बारेमा अभिव्यक्ति दिने गर्दथे त्यो कुरा पदमा पुगेपछि देखाउन सकेनन् बरु अनेक बहानामा प्रसङ्ग नै बदल्ने काम गरे ।

यो घटनाका सन्दर्भमा, सुरुबाटै थुप्रै टीकाटिप्पणी पनि भएका छन् । एमाले कै जिम्मेवार नेता यो घटनामा योजनाकारका रूपमा थिए भन्ने सम्मको आरोप लाग्ने गरेको छ । तर, यसका दोषी पहिचान वा दुर्घटना के हो भन्ने स्पष्ट भएर भण्डारी र आश्रितलाई न्याय दिन भण्डारी पत्नी विद्या भण्डारी र एमाले नेतृत्वले नै चासो नदेखाएको आरोपहरू लाग्दै आएको छ । आज नेता द्वय भण्डारी र आश्रितको घटना घटेको ३० वर्ष पुगी सकेको छ । ३ दशक पुगिसक्दा पनि जनतासामु अपराधीलाई सार्वजनिक गर्न सकिएको छैन ।

दुर्घटनामा भण्डारी र आश्रितको मृत्यु भए पनि जिप चालक अमर लामा भने जीवित थिए । तर लामाको पनि २०६० सालमा हत्या भएपछि त्यो घटनाको यथार्थ अहिलेसम्म पत्ता लगाउन सकिएको छैन । अर्कोतर्फ नेकपा एमालेले हरेक वर्ष जननेता स्वर्गीय मदन भण्डारी र जीवराज आश्रितको स्मरणमा  गोहिँको आँसु चुहाउँछ । यसैमा नै उसको राजनीतिक दोकान राम्रोसँग फस्टाएको देखिन्छ ।

तर नेताद्धयको मृत्यु दुर्घटना हो वा सुनियोजित यसबारेमा मौन देखिन्छ नेताद्धयको पार्टी नेकपा एमाले । नेपालको राजनीतिमा यस्ता थुप्रै रक्तपातपूर्ण घटना भएका छन् । जसको रहस्य अब सायदै सार्वजनिक होला । यस्तै रहस्यपूर्ण तथ्यहरू सार्वजनिक नै नभएको दुर्घटना हो दासढुंगा ।

‘स्वास्थ्य क्षेत्रमा जनशक्ति थप गर्ने प्रक्रिया अघि बढेको छ’

काठमाडौं । स्वास्थ्य तथा जनसंख्यामन्त्री प्रदीप यादवले स्वास्थ्य जनशक्ति थप गर्न प्रक्रिया अघि बढाएको बताएका छन् ।   आज...

कांग्रेसले बोलायाे संसदीय दलको बैठक

काठमाडौं  । नेपाली कांग्रेसले संसदीय दल कार्यसमिति र संसदीय दलको बैठक बोलाएको छ ।   संसदीय दल कार्यसमितिको बैठक...

मेलम्ची खानेपानी शुक्रबारदेखि बन्द हुने

काठमाडौं । मेलम्ची खानेपानी शुक्रबारदेखि बन्द गरिने भएको छ ।   मेलम्ची खानेपानी विकास समितिले बर्खायाममा मेलम्ची नदीमा पानीको...

मालपोत कार्यालय पर्साका तत्कालीन अधिकृतसहित ७ जना भ्रष्टाचार मुद्दामा दोषी ठहर

काठमाडौं । विशेष अदालतले मालपोत कार्यालय पर्साका तत्कालीन अधिकृतसहित ७ जनालाई भ्रष्टाचार मुद्दामा दोषी ठहर गरेको छ । विशेषले...

१५ वर्षीया किशोरीलाई जबरजस्ती करणी गरेको अभियोगमा एक जना पक्राउ

काठमाडौं । १५ वर्षीया किशोरीलाई जबरजस्ती करणी गरेको अभियोगमा एक जना पक्राउ परेका छन् ।   झापा स्थित मेचीनगर...

पशुपति मन्दिरको भेटी चोरी प्रकरण : चारजनालाई पुर्पक्षको लागि थुनामा

काठमाडौं । पशुपतिनाथ मन्दिरमा दर्शनार्थीले चढाएको भेटी चोरी प्रकरणमा जिल्ला अदालत काठमाडौंले चारजना प्रतिवादीलाई पुर्पक्षको लागि थुनामा पठाएको छ...

.