सर्वोच्च न्यायालयप्रति भरोसा छ, हामी अझै न्यायिक पर्खाइमा  छौं : रेशम चौधरी 

काठमाडौं । टीकापुर घटनामा जन्मकैदको सजाय पाएका रेशम चौधरीले आफूलाई सर्वोच्च न्यायालयप्रति भरोसा रहेको बताएका छन् ।  चौधरीले मंगलबार सर्वोच्चले आफूलाई जन्मकैदको फैसला सुनाएपछि  बुधबार विज्ञप्ति जारी गर्दै  सर्वोच्च न्यायालयप्रति भरोसा भएकाले आफूहरू अझै न्यायिक पर्खाइमा रहेको बताएका हुन् ।

उनले भनेका छन्, ‘जेठ २ गते सम्माननीय सर्वोच्च अदालतले गरेको फैसलामा मप्रति न्यायिक नहुन सक्छ तर त्यसो भन्दैमा स्विकार्नुको विकल्प हुन्न । टीकापुर घटनालाई लक्षित बनाएर गरेको फैसला स्विकार्दै भोलि पुनरावलोकनको बाटो हाम्रा लागि खुला छ । हामी सम्मानित अदालतलाई सदा सम्मान गर्छौं, साथै सम्मानित अदालतलाई सबैले उत्तिकै सम्मान गर्नुपर्छ । मलाई अझै सम्मानित सर्वोच्च न्यायालयप्रति भरोसा छ । हामी अझै न्यायिक पर्बाहमा छौं ।  त्यसैले सबैलाई सम्मानित सर्वोच्च अदालतको सम्मान गर्न अनुरोध गर्दै यो विज्ञप्ति जारी गरेको हुँ ।’

नेता  चौधरीले चौधरीले सर्वोच्च अदालतको फैसलामा आफूलाई न्यायिक नभए पनि स्विकार्नुको विकल्प नरहेको बताएका बताएका छन् । अहिले टीकापुर घटनाको फैसलालाई अनर्गल बनाउँ‌दै जथाभाबी सामाजिक सञ्जालमा जे पायो त्यही पोस्ट नगर्न उनले अनुरोध समेत  गरेका छन्  ।