८२ राजनीतिक दललाई लेखा परीक्षण प्रतिवेदन सार्वजनिक गर्न आयोगको निर्देशन

काठमाडौं । निर्वाचन आयोगले ८२ राजनीतिक दललाई आर्थिक वर्ष २०७८र०७९ को लेखा परीक्षण प्रतिवेदन एक साताभित्र सार्वजनिक गर्न निर्देशन दिएको छ ।कानुनबमोजिम आयोगमा लेखा परीक्षण प्रतिवेदन बुझाइ सकेका राजनीतिक दललाई प्रतिवेदन सार्वजनिक गर्न निर्देशन दिएको हो ।

आर्थिक वर्ष २०७८र७९ को लेखा परीक्षण प्रतिवेदन तोकिएको समयसीमाभित्रै पेस गर्ने ८२ राजनीतिक दललाई आयोगमा पेस गरेको लेखा परीक्षण प्रतिवेदन सात दिनभित्र सम्बन्धित दलको कार्यालय वा वेबसाइट, आमसञ्चारमाध्यम पत्रपत्रिका, रेडियो, टेलिभिजन आदि, सामाजिक सञ्जाल फेसबुक, ट्विटर, ईन्स्टाग्रामका माध्यमबाट सार्वजनिक गरी सार्वजनिक गरेको मितिले सात दिनभित्र सोको जानकारी आयोगमा गराउन निर्देशन दिएको छ,’ आयोगले विज्ञप्तिमार्फत भनेको छ ।
आयोगकाअनुसार मुस्कान सेना नेपाल पार्टी, शिव सेना नेपाल, आम आदमी पार्टी नेपाल, राष्ट्रिय जनमुखी पार्टी लोकतान्त्रिक र नेपाल कम्युनिष्ट पार्टी लोकतान्त्रिकले लेखा परीक्षण प्रतिवेदन बुझाएका छैनन् । आयोगले ती दललाई राजनीतिक दलसम्बन्धी ऐन, २०७३ को दफा ५४ को उपदफा ९५० को खण्ड क बमोजिम किन कारवाही गर्न नपर्ने भन्दै स्पष्टीकरणसमेत सोधेको छ ।

त्यस्तै, लेखा परीक्षण प्रतिवेदन समयमा पेस नगर्ने दलहरूलाई पनि आयोगले ढिला हुनुका कारणबारे पत्राचार गरेको छ ।