खाँणलाई निलम्बन गर्ने कि नगर्नेबारे कांग्रेस बैठकमा छलफल

काठमाडौं । नक्कली भुटानी शरणार्थी प्रकरणमा पक्राउ परेका पूर्वगृहमन्त्री बालकुष्ण खाँणलाई निलम्बन गर्ने कि नगर्नेबारे छलफल भएको छ ।

बुधबार खाँण पक्राउ परेपछि कांग्रेस सभापति शेरबहादुर देउवाले पार्टीका शीर्ष नेताहरुलाई छलफलमा बोलाएका थिए । करिब ३ घन्टा बसेको बैठकमा पूर्वगृहमन्त्री तथा पार्टीका नेता बालकृष्ण खाणको बारेमा छलफल भएको थियो ।

छलफलका क्रममा अनुसन्धानका लागि हिरासतमा लिइएका पूर्वगृहमन्त्री खाँणलाई पार्टीको जिम्मेवारीबाट निलम्बन गर्ने कि नगर्ने विषय उठेको बैठकमा सहभागी एक नेताले बताए ।

नक्कली भुटानी शरणार्थी बनाएर अमेरिका लैजाने भन्दै पैसा संकलन गर्ने संगठित गिरोहको ठगी प्रकरणमा मुछिएका पूर्वगृहमन्त्री  बालकृष्ण खाँण आज पक्राउ परेका थिए । खाँणलाई काठमाडौं प्रहरी परिसरको टोलीले बुधबार बिहान मैजुवहालस्थित उनकै निवासबाट प्रहरीले पक्राउ गरेको थियाे ।