नक्कली शरणार्थी प्रकरणमा छानविन गर्न आयोग गठन गरियोस् : सांसद केसी

काठमाडौं । नेपाली काँग्रेसका सांसद अर्जुननसिंह केसीले नक्कली शरणार्थी प्रकरणमा सत्य तथ्य छानविन गर्ने पूर्व प्रधानन्यायाधीशको संयोजकत्वमा निष्पक्ष, पार्दशी र स्वतन्त्र सर्वाधिकार सम्पन्न आयोग गठन गर्न माग गरेका छन् । सोमबारको प्रतिनिधि सभाको बैठकमा सम्बोधन गर्ने क्रममा उनले राज्य संयन्त्र नै मिसिएको भन्दै यस्तो बताएका हुन् ।

उनले भने, ‘नक्कली शरणार्थी प्रकरणमा राज्य संयन्त्र नै मिसिएको छ । यसले राष्ट्रलाई लज्जीत बनाउने काम गरेको छ । अन्त्यन्त न्यून समय भएकाले जो जहाँ जुनसुकै पदमा भएपनि छिमेकीदेखि अन्य देशहरुमा पनि पूर्वप्रधानमन्त्रीहरुमाथि कारवाही भएको छ । त्यसकारण अहिले यो भ्रष्टाचारको काण्डमा यो छानविन गर्ने पक्षको नाम पनि आएकाले पूर्व प्रधानन्याधिशको संयोजकत्वमा निष्पक्ष, पार्दशी र स्वतन्त्र सर्वाधिकार सम्पन्न आयोग गठन गरेर यसलाई निश्चित टुंगोमा पुर्याउनुपर्छ ।’

शरणार्थी प्रकरण राष्ट्रलाई लज्जीत बनाउने काम भएको उनको भनाई थियो ।