अरुण जलविद्युत् आयोजनामा कार्यरत एक मजदुरको मृत्यु

संखुवासभा । अरुण तेस्रो जलविद्युत आयोजनामा कार्यरत एक मजदुरको मृत्यु भएको छ । निमार्णाधीन ९०० मेगावटको अरुण तेस्रो जलविद्युत आयोजनामा अडिट २ मा कार्यरत २७ वर्षीय प्रेम राईको मृत्यु भएको हो ।

सिलिचोङ गाउँपालिका –५ का राई सुरुङभित्र माथिबाट ढुङ्गा खसेर गम्भीर घाइते भएका थिए । घाइते राईको उपचारका क्रममा बुधबार बिहान ५ बजेजिल्ला अस्पताल संखुवासभामा मृत्यु भएको जिल्ला प्रहरी कार्यालय संखुवासभाका प्रहरी निरीक्षक सरोज खनालले जानकारी दिए । भारतको आसाम गुवाहाटीका २३ वर्षीय सममती वलिता र २३ वर्षीय साइमुदिन अली घाइते भएका छन् ।

घाइतेको संखुवासभा जिल्ला अस्पतालमा उपचार पछि फर्किएका छन् । अरुण आयोजना स्थलमा अहिलेसम्म २ दर्जन बढी मजदुरले ज्यान गुमाइसकेका छन् । अरुण तेस्रो आयोजनामा नेपाली र भारतीयसहित तीन हजारभन्दा बढी मजदुर कार्यरत छन् ।