बलराम विश्वकर्मा ‘हिमालय लोकस्टार’को विजेता

काठमाडौं । नेपाली गायन रियालिटी शो ‘हिमालय लोकस्टार’ को विजेता बलराम विश्वकर्मा भएका छन् । विजेता बनेसँगै लोकस्टार विश्वकर्माले १५ लाख रूपैयाँसहित अन्य पुरस्कार प्राप्त गरेका छन्।

बुधबार सम्पन्न अन्तिम प्रतिस्पर्धामा विजेता विश्वकर्मासँगै सन्तोष क्षेत्री, विकास परियार, किरण बीसी, राजेन्द्र घर्तीमगर र पीएन साइँला रहेका थिए ।

विजेता विश्वकर्मालाई हिमालय टेलिभिजनका अध्यक्ष धर्मराज भुसालले ट्रफीसहित पुरस्कार प्रदान गरे । प्रतियोगितामा साइँला फस्ट रनरअपअर्थात् उपविजेता घोषित भए ।

उनले तीन लाख रूपैयाँ नगदसहित पुरस्कार गरे। यस्तै क्षेत्री सेकेण्ड रनरअपअर्थात् तेस्रो घोषित हुँदै दुई लाख रूपैयाँसहित अन्य पुरस्कार प्राप्त गरे ।

भोटका आधारमा विजेता चयन भएको लोकस्टारमा महागुरुको रुपमा कुमार बस्नेत र गुरुको रुपमा राजु परियार, रामजी खाँण र कुलेन्द्र विश्वकर्मा रहेका थियो ।