धनगढीको मोहनापुल अत्तरियामा गाडी दुर्घटना : १ जनाको मृत्यु, ५ घाइते

धनगढी । धनगढीको मोहनापुलमा गाडी दुर्घटना हुँदा १ जनाको मृत्यु भएको छ । धनगढीको मोहनापुल –अत्तरिया ६ लेन सडकखण्डको गोदावरी नगरपालिका–५ को गेटास्थित ट्राफिक पोष्ट नजिकै महेन्द्रनगरबाट धनगढीतर्फ आइरहेको बा १५ च ४६३७ नम्बरको गाडी शनिबार दिउँसो दुर्घटना हुँदा १ जनाको मृत्यु भएको छ भने ५ जना घाइते भएका हुन् ।

प्रहरीका अनुसार दुर्घटनामा गम्भीर घाइते भएका धनगढी उपमहानगरपालिका–११ बेला बस्ने ७० वर्षीय भोजराज भट्टको मृत्यु भएको छ । भट्टको माया मेट्रो अस्पतालमा उपचारका क्रममा मृत्यु भएको हो । चालक दार्चुलाको शैल्यशिखर नगरपालिका–२ का ४२ वर्षीय तेजबहादुर पाल र कारमा सवारहरु धनगढी उपमहानगरपालिका–६ मटयारीका ४२ वर्षीय भरतबहादुर चन्द, ४८ वर्षीय बसन्तबहादुर चन्द, ३६ वर्षीया निलम चन्द र अनुखाण चन्द घाइते भएका हुन् ।

भारतको हरिद्वार दर्शन गरेर फर्किरहेका तीर्थ यात्री सवार गाडी तीव्र गतिका कारण अनियन्त्रित भएर दुर्घटना भएको प्रहरीको भनाइ छ ।