लोकप्रियताभन्दा पनि दिगो योजना बनाएर आर्थिक वृद्धिका लागि काम गर्न अध्यक्ष शेखर गोल्छाको सुझाव

काठमाडौं । नेपाल उद्योग वाणिज्य महासंघका अध्यक्ष शेखर गोल्छाले कोभिड १९ बाट जोगाउन सकेको अर्थतन्त्र आफ्नै कमजोरीले अप्ठ्यारोमा परेको बताएका छन् । मंगलबार महासंघको ५७औं वार्षिक साधारणसभा उद्घाटन कार्यक्रमलाई सम्बोधन गर्दै उद्योग धन्दा र निजी क्षेत्र समस्यामा परे सरकार र बैंक सबैलाई अप्ठ्यारो पर्ने बताएका हुन् ।

अर्थतन्त्रको निराशाजनक अवस्था लामो समय नरहने उनको थियो । अर्थतन्त्रलाई सहज अवस्थामा ल्याउन सहजीकरणका लागि सम्बन्धित निकायलाई आग्रह गर्दै उनले अवस्था परिवर्तनका लागि काम गर्न सुझाव दिएका छन् । लोकप्रियताभन्दा पनि दिगो योजना बनाएर दिगो आर्थिक वृद्धिका लागि काम गर्न सरकारलाई सुझाव दिएका हुन् ।

महासंघ सरकार विरुद्ध आान्दोलित हुन संगठित नभएको अध्यक्ष गोल्छाको भनाइ थियो । नेपालसँगै विश्व बजारमा छिरेका देशहरु धेरै माथि पुगेका उदाहरणले नेपाल पनि पुग्न सक्ने उनले बताए ।