नक्कली परीक्षार्थी खटाउने कन्सल्टेन्सी सञ्चालक पक्राउ

मोरङ । माध्यमिक शिक्षा परीक्षा एसइईमा ४० हजार रुपैयाँसम्म लिएर नक्कली परीक्षार्थीलाई परीक्षा दिन लगाउने कन्सलटेन्सी सञ्चालक पक्राउ परेका छन् । नक्कली परीक्षार्थी लगाएर परीक्षा दिन लगाउने गरेको आरोपमा धरानको डल्फिन पूर्वाञ्चल एकेडेमीका सञ्चालक सन्तोष राई पक्राउ परेका हुन् ।

धरान र बेलबारीका मात्रै चैत २२ र २३ गते कुल २ सय १ नक्कली परीक्षार्थी पक्राउ परेका थिए । धरानबाट अधिकांश कसल्टेन्सीले विद्यार्थी भर्ना गर्ने र रकम लिएर नक्कली परीक्षार्थीलाई परीक्षा दिन लगाउने गरेको पाइएको छ । एसईई दिने क्रममा मोरङबाट पक्राउ परेका २ सय जना नक्कली परीक्षार्थीहरूलाई सुनसरी र मोरङका आधा दर्जनभन्दा बढी प्राइभेट इनस्टिच्युटहरूले भाडामा परीक्षार्थीलाई प्रहरीले पक्राउ गरेको हो ।

यसरी नक्कली परीक्षार्थी खडा गरेर उत्तीर्ण गराउने जिम्मा लिने कन्सल्टेन्सी सुनसरीमा धेरै भटिएको प्रहरी बताएको छ ।