कांग्रेसले दियो पार्टीको भागमा परेको मन्त्रालयअनुसार ८ मन्त्री छान्ने जिम्मा देउवालाई

काठमाडौं । नेपाली कांग्रेसले मन्त्री छान्ने जिम्मा सभापति शेरबहादुर देउवालाई दिएको छ । बिहीबार बसेको कार्यसम्पादन समितिको बैठकले पार्टीको भागमा परेको मन्त्रालयअनुसार मन्त्रीको नाम छनोटको जिम्मेवारी सभापति देउवालाई दिएको हो ।

सबैसँग सल्लाहकार गरेर मन्त्रीको नाम प्रधानमन्त्रीलाई बुझाउने जिम्मेवारी दिएको प्रवक्ता प्रकाशशरण महतले जानकारी दिए । मन्त्री पठाउँदा योगदान, दक्षता, समावेशीता र प्रदेशिक सन्तुलन मिलाएर पठाउने महतले बताए । प्रधानममन्त्रीले आजै मन्त्रिपरिषद् विस्तारको तयारी गरेका छन् । १० दलीय गठबन्धनमा कांग्रेसलाई ८ मन्त्री भागमा परेको छ ।

बारा २ को उम्मेवार चयनका लागि फेरि छलफलका भने १९ गते केन्द्रीय कार्यसमिति र संसदीय समितिको बैठक बसेर फेरि निर्णय लिने उनले बताए । त्यहाँ कांग्रेसले जसपालाई छाड्ने तयारी गरेको छ ।