अर्थमन्त्रीमा नेपाली कांग्रेसका डा. महत आउने निश्चितप्राय

स्टार संवाददाता
स्टार संवाददाता

काठमाडौं । नेपाली कांग्रेसका सभापति शेरबहादुर देउवाले अर्थमन्त्रीमा डा. प्रकाशशरण महतलाई पठाउने तयारी गरेका छन् । सरकार गठनको तिव्र तयारीमा रहेको सत्ता गठबन्धनमा अर्थ मन्त्रालय कांग्रेसले पाउने भएसँगै अर्थतन्त्रको जिम्मेवारी महतको काँधमा आउने लगभग निश्चितप्राय भएको हो ।

गृह मन्त्रालय माओवादी केन्द्रले लिने भएसँगै संकटोन्मुख अर्थतन्त्रको जिम्मेवारी महतको काँधमा आउने लगभग पक्का भएको नेताहरू बताउँछन् । कांग्रेसले अर्थमन्त्रीका लागि प्रकाशशरण महतलाई पठाउने निर्णय गरेको नेताहरूले पुष्टिनै गरेका छन् । अर्थ मन्त्रालयको जिम्मेवारी लिने गरी पार्टीबाट सरकारको नेतृत्व गर्ने गरी उपसभापति पूर्णबहादुर खड्का उक्त पदका आकांक्षी थिए ।

तर पार्टी सभापति देउवा महतको पक्षमा अडिग देखिएपछि खड्का अर्थमन्त्री हुनबाट वञ्चित हुने भएका हुन् । तसर्थ, खड्काको उपप्रधान एवम् रक्षामन्त्री बन्ने सम्भावना प्रवल छ । यसअघि खड्काले आफू सरकारमा सहभागी नहुने अडान लिएका थिए । तर, सभापति देउवाले धेरै नै जोड गरेपछि उनी त्यसको लागि तयार भएका हुन् ।

सभापति देउवाले प्रवक्ता महतलाई जुनसुकै हालतमा पनि अघि सार्न खोजेपछि अरू नेताको सुझाव पार्टीमा सुनुवाइ भएन । अर्थमन्त्री महतलाई बनाउने देउवाको अडानबाट उपसभापति खड्का असन्तुष्ट रहेको कांग्रेस स्रोतको दाबी छ । पार्टीभित्र अधिकांश नेताले अहिलेको सरकार सफलता र असफलताको मापन अर्थमन्त्री हुने भएकाले सक्षम व्यक्ति अघि सार्न सुझाव दिएका थिए ।

डा. महत यसअघि पनि मन्त्री भएका थिए । समानुपातिक सूचीबाट संसद भवन छिरेका महत प्रधानमन्त्री देउवा र उनकी पत्नी आरजु राणा निकट हुन् । नेपालको आर्थिक विकासको जग हालेका डा. रामशरण महतका भाइ प्रकाश ऊर्जामन्त्री समेत भएका थिए । यसअघि चुनाव हारेका कारण उनी सरकारमा जान पाएका थिएनन् । उनी काठमाडौं ५ मा एमालेका इश्वर पोखरेलसँग चुनाव हारेका थिए ।

त्यही भएर यसपाली उनी समानुपातिक सूचीमा बसेका थिए । कांग्रेसको गत महाधिवेशनमा उनी महामन्त्रीका प्रत्यासी थिए । अर्थशास्त्र पढेका डा. महतलाई अर्थमन्त्री बनाउन प्रधानमन्त्री प्रचण्ड पनि सहमत भएका छन् । अर्थतन्त्रबारे राम्रो ज्ञान राखेका महत अर्थमन्त्री भएसँगै मुलुकको आर्थिक अवस्था र सेयरबजारमा पनि सकारात्मक प्रभाव पर्ने विश्वास गरिएको छ ।

‘देशमा अन्योल र अस्थिरता बढ्यो, सरकारको आयु छोटिदैँछ’

काठमाडाैं ।  नेपाली कांग्रेसका प्रवक्ता डा.प्रकाशशरण महतले गठबन्धन परिवर्तन भएसँगै देशमा अन्योल र अस्थिरता बढेको बताएका छन् ।  ...

तराई क्षेत्रमा ४ दिन तातो हावा चल्नसक्छ : मौसम पूर्वानुमान महाशाखा

काठमाडाैं । नेपालको तराई क्षेत्रमा चार दिनसम्म तातो हावा चल्नसक्ने मौसम पूर्वानुमान महाशाखाले जनाएको छ ।   आगामी वैशाख...

‘हौसिएर कम्युनिष्ट एकता गर्ने पक्षमा छैनौँ’

काठमाडाैं । प्रधानमन्त्री पुष्पकमल दाहालले हौसिएर कम्युनिष्ट एकता गर्ने पक्षमा आफूहरु नरहेको बताएका छन् ।   आज ललितपुरको गोदावरीमा...

गण्डकीका मुख्यमन्त्रीविरुद्धको मुद्दा हेर्दाहेर्दैमा

काठमाडौं । गण्डकी प्रदेशका मुख्यमन्त्री खगराज अधिकारीविरुद्धको रिट हेर्दाहेर्दैमा राखिएको छ ।  आज सर्वोच्च अदालतका न्यायाधीशद्वय सपना प्रधान मल्ल...

कतारी राजाको स्वागत गर्न राष्ट्रपति विमानस्थल जाने

काठमाडाैं । कतारी अमिर (राजा) शेख तमिम बिन हमाद अल थानीलाई स्वागत गर्न राष्ट्रपति रामचन्द्र पौडेल विमानस्थलमा जाने भएका...

सन्दीपविरुद्धको मुद्दा हेर्न नभ्याइने सूचीमा

काठमाडौं । क्रिकेटर सन्दीप लामिछानेविरुद्धको मुद्दा हेर्न नभ्याइने सूचीमा परेको छ ।   साेमबार उच्च अदालत पाटनका न्यायाधीशद्वय सुदर्शनदेव...

.