गठबन्धनको बैठक बस्दै, मन्त्रिपरिषद्लाई पूर्णता दिने विषयमा छलफल गर्न

काठमाडौं । मन्त्रिपरिषद्लाई पूर्णता दिने विषयमा छलफल गर्न सत्ता गठबन्धनको बैठक बस्ने भएको छ । आइतबार बेलुका प्रधानमन्त्री प्रचण्डले मन्त्रिपरिषद्लाई पूर्णता दिने विषयमा छलफल गर्न बैठक बोलाएका हुन् ।

आज बेलुका मन्त्रिपरिषद् विस्तारको विषयमा छलफल गर्न बैठक बस्ने । तर, समय तय भइनसकेको माओवादी केन्द्रका सचिव देवेन्द्र पौडेलले जनाकारी दिए । प्रधानमन्त्री प्रचण्डले बेलुका सत्ता साझेदार दलका नेताहरुसँग छलफल गर्ने भएका छन् । प्रधानमन्त्री निवास बालुवाटारमा उनले सत्ता साझेदार दलका नेताहरुसँग मन्त्रिपरिषद् पुनर्गठनका विषयमा परामर्श गर्न लागेका हुन् । आजको बैठकमा प्रधानमन्त्रीले गठबन्धनमा सहमति जुटाउने प्रयास गर्ने जनाइएको छ ।

आज शीर्ष तहमा छलफल गरेर प्रधानमन्त्री प्रचण्डले भोलिसम्ममा मन्त्रिपरिषद् पुनर्गठन गर्ने तयारी गरेका छन् । शनिबार बसेको माओवादीको पदाधिकारी बैठकले सोमबारसम्ममा सरकारलाई पूर्णता दिनुपर्ने सुझाव दिएको थियो । पार्टीको सुझावअनुसार प्रधानमन्त्रीले गृहकार्य अघि बढाएका हुन् ।