सरकारमा सहभागी र विश्वासको मत दिने बारे औपचारिक निर्णय गर्ने तयारीमा कांग्रेस

काठमाडौं । नेपाली कांग्रेसले सरकारलाई विश्वासको मत दिने र सरकारमा सहभागी हुने बारे औपचारिक निर्णय गर्ने भएको छ । प्रधानमन्त्री पुष्पकमल दाहाल प्रचण्डले चैत ६ मा विश्वासको मत लिने तयारी गरिरहेकै बेला कांग्रेसको कार्यसम्पादन समितिका बैठक र संसदीय दलको बैठकमा औपचारिक निर्णय गर्ने भएको हो ।

कांग्रेसले बिहान साढे १० बजेदेखि कार्यसम्पादन बैठक र १२ बजे संसदीय दलको बैठकमा सरकारलाई विश्वासको मत दिने र सरकारमा सहभागी हुने बारे आफ्नो औपचारिक निर्णय बारे छलफल गर्ने भएको छ । कांग्रेस नेताहरूका अनुसार सो बैठकबाट प्रधानमन्त्री दाहाललाई विश्वास मतबारे निर्णय गर्न लागेको हो ।

प्रधानमन्त्री पुष्पकमल दाहालले सोमबार प्रतिनिधिसभाबाट विश्वासको मत लिँदै छन् । यसअघि पुस २६ मा पनि पनि कांग्रेसले प्रधानमन्त्री प्रचण्डलाई विश्वासको मत दिएको थियो । एउटै कार्यकालमा प्रधानमन्त्री दाहाललाई कांग्रेसले विश्वासको मत दिन लागेको यो दोस्रो पटक हो ।

वर्तमान सत्ता गठबन्धनमा कांग्रेस, माओवादी केन्द्र, जनता समाजवादी पार्टी, एकीकृत समाजवादी, लोकतान्त्रिक समाजवादी पार्टी, नागरिक उन्मुक्ति पार्टी, जनमत पार्टीलगायत रहेका छन् ।