‘मन्त्रालय लिने कुरामा रस्साकस्सी भएको झैँ काम गरेर देखाऊ’ : गगन थापा

काठमाडौं । नेपाली कांग्रेसका महामन्त्री गगन थापाले सरकार गठनसँग नागरिकका आक्रोश साम्मे पार्न मन्त्रीहरुले काम गर्नुपर्ने बताएका छन् । उपराष्ट्रपतिको निर्वाचनमा मतदानपछि सञ्चारकर्मीसँग थापाले हामीले काम गर्न सकेनौ भने सुविधाजनक बहुमत रहे पनि नागरिकको आक्रोशलाई सम्हाल्न नसक्ने बताएका हुन् ।

उनले भने, ‘सरकार गठनसँगै सरकारले के गर्ने भन्ने बारेमा छलफल हुनुपर्छ । हामीसँग केही महिनामात्रै छ । हामीले काम गर्न सकेनौ भने सुविधाजनक बहुमत रहे पनि नागरिकको आक्रोशलाई हामीले सम्हाल्न नसक्ने हुन्छ । मैले तर्साउन खोजेको हैन । सचेत बनाएको हो । मन्त्रालय लिने कुरामा रस्साकस्सी भएको झै कार्यक्रमलाई प्राथमिकता दिने विषयमा पनि रस्साकस्सी होस् । ६ गते विश्वासको मत लिनेभन्दा पहिले नै सरकारमा जाने नजानेबारे निर्णय गर्नुपर्छ । ५ गतेको संसदको बैठकमा हामी विश्वासको मत पनि दिन्छौं । सरकारमा सहभागी हुन्छौ भनेर निर्णय गर्नुपर्छ ।

प्रधानमन्त्री पुष्पकमल दाहाल प्रचण्डलाई आफ्नो पार्टीले ६ गते विश्वासको मत दिने बताएका छन् । उनले सरकार बन्नु कुनै नौलो कुरा नभएको बरु काम गर्नु नौलो विषय भएको बताएका हुन् ।