रास्वपाले गर्यो उपराष्ट्रपति निर्वाचनमा ममता झालाई समर्थन गर्ने निर्णय

काठमाडौं । राष्ट्रिय स्वतन्त्र पार्टी रास्वपाले उपराष्ट्रपति निर्वाचनमा जनमत पार्टीकी उम्मेदवार ममता झालाई मत दिने निर्णय गरेको छ । शुक्रबार पार्टी कार्यालय बसुन्धारामा बसेको बैठकले पराष्ट्रपति निर्वाचनमा जनमत पार्टीकी उम्मेदवार झालाई मत दिने निर्णय गरेको हो ।

उपराष्ट्रपति चयनका लागि संसद भवन, बावेश्वरमा मतदान भइरहेको छ । रास्वपा सांसदहरु छलफलमा जुटेका थिए । एक सांसदका अनुसार छलफलमा झालाई मत दिने समझदारी भएको छ ।

जारी मतदानमा दिउँसो १२ बजेसम्मको मतदानमा प्रदेशतर्फ ३८३ र संघतर्फ २१२ मत खसेको छ । निर्वाचनमा संघीय संसद्का ३३२ र प्रदेशसभाका ५५० सांसद मतदाता छन् । मतदान सम्पन्न भएलगत्तै मतगणना सुरु हुने र आजै साँझ ६ बजेसम्म मतपरिणाम सार्वजनिक गरिने उपराष्ट्रपति निर्वाचन अधिकृतको कार्यालयले जनाएको छ । उपराष्ट्रपति पदमा एमालेबाट अष्टलक्ष्मी शाक्य, जसपाका रामसहाय यादव र जनमतकी ममता झा उम्मेदवार छन् ।