जिरी उद्योग वाणिज्य संघको अध्यक्षमा बाबुराजा श्रेष्ठ निर्वाचित 

दोलखा । जिरी उद्योग वाणिज्य संघको अध्यक्षमा बाबुराजा श्रेष्ठ निर्वाचित भएका छन् । यसअघि उपाध्यक्षका जिम्मेवारीमा रहेका श्रेष्ठ संघको पाँचौं वार्षिक साधारणसभामा भएको निर्वाचनमा ९७ मत प्राप्त गरी  निर्वाचित भएका हुन् । 

संस्थापन पक्ष समूहका गेल्वु शेर्पाले ८२ मत प्राप्त गरेका छन् । यसै गरी, ९७ मत प्राप्त गर्दै जिरी उद्योग वाणिज्य संघको प्रथम उपाध्यक्षमा आङगेल्जी शेर्पा निर्वाचित हुँदा ८९ मतसहित द्धितिय उपाध्यक्षमा शिवसकुमार बस्नेत विजयी भएका छन् ।

श्रेष्ठको प्यानलमा अध्यक्ष, प्रथम उपाध्यक्ष, द्धितिय उपाध्यक्ष र सचिव निर्वाचित हुँदा शेर्पा समूहको पक्षबाट कोष अध्यक्ष र चार जना सदस्य निर्वाचित भएका छन् ।  महासचिवमा अनिल कार्की, सचिवमा सुमन शामी, कोषध्यक्षमा संस्थापन पक्षका सुरज खड्का निर्वाचित भएका छन् । यसै गरी, सदस्यहरूमा गया श्रेष्ठ, यामबहादुर खत्री, दिपेन्द्र खड्का, र पेमाटुण्डु शेर्पा निर्वाचित भएका छन् ।