कांग्रेस सांसद गुरुङलाई एक करोड २१ लाख ८४ हजार रूपैयाँ जरिवाना, यस्तो छ कारण !

काठमाडौं । भ्रष्टाचारमा दोषी ठहर टेकबहादुर गुरुङलाई एक करोड २१ लाख ८४ हजार ४ सय १ रुपैयाँ ८० पैसा जरिवाना सजाय सुनाएको छ । बिहिबार अदालतले मनाङबाट प्रतिनिधिसभामा निर्वाचित गुरुङलाई एक करोड २१ लाख ८४ हजार ४ सय १ रुपैयाँ ८० पैसा जरिवाना र सो बराबरको बिगो भराउने सजाय सुनाएको हो ।

 काठमाडौंको भृकुटीमण्डपस्थित फमपार्कको जग्गा भाडा प्रकरणमा मंगलबार विशेष अदालतले तत्कालीन महिला बालबालिका तथा समाजकल्याण मन्त्री गुरुङसहित ९ जनालाई दोषी ठहर गरेको हो । ७ जनालाई कैद र जरिवाना तथा दुईजनालाई जरिवानामात्र भएको छ । कैद सजाय नभएका रविन्द्र गुरुङलाई २ करोड ४३ लाख ६८ हजार ८ सय ३ रुपैयाँ ५० पैसा जरिवाना र सो बराबरको बिगो भराउने फैसला भएको विषेश अदालतले जनाएको छ ।

अख्तियार दुरुपयोग अनुसन्धान आयोगले २१ माघ २०७५ मा गुरुङसहित १४ जनाविरुद्ध भ्रष्टाचार मुद्दा दायर गरेको थियो । द्रीप्रसाद न्यौपाने महिला बालबालिका तथा समाज कल्याणमन्त्री भएका बेला भृकुटीमण्डपको ६० रोपनी जग्गा प्रतिमहिना ५ लाख ५५ हजार भाडामा १० वर्षका लागि काठमाडौं फनपार्कलाई दिने निर्णय भएको थियो । गुरुङ भृकुटीमण्डप फनपार्कको मेला सञ्चालक थिए ।