बैंक तथा वित्तीय क्षेत्रका  समस्याहरू क्रमैसँग हल गर्ने प्रधानमन्त्रीको प्रतिबद्धता 

काठमाडौं ।  प्रधानमन्त्री पुष्पकमल दाहाल प्रचण्डले मुलुकको वर्तमान वित्तीय समस्या समाधानबारे सरकारले ठोस निर्णय लिने बताएका छन् । आइतबार आर्थिक तथा बैंक वित्तीय क्षेत्रका समसामयिक विषयमा निजी क्षेत्रका प्रतिनिधि र राष्ट्र बैंकका गभर्नरसँगको  छलफलमा यस्तो बताएका हुन् ।  

 बैंक तथा वित्तीय क्षेत्रका समस्यालाई सरकारले गम्भीरतापूर्वक लिएको भन्दै उनले भने, ‘वर्तमान वित्तीय अवस्थाबारे सरकार चिन्तित छ ।  सरोकारवालासँगको छलफलपछि सरकार चाँडै अघि बढ्छ, ठोस निर्णय लिन्छ ।

छलफलमा प्रधानमन्त्री प्रचण्डले निजी क्षेत्रका समस्याहरू नोट गरेको र यसलाई क्रमैसँग हल गर्दै जाने पनि बताए ।  बैंक र लघुवित्तका क्षेत्रमा जनताका गुनासोप्रति आफू जानकार र सचेत रहेको भन्दै उनले यसलाई के ? कसरी समाधान गर्न सकिन्छ भन्दै सुझाव दिन आव्हान गरेका छन् । परिआए उच्चस्तरीय आयोग नै बनाउने प्रचण्डको भनाई छ ।