उपत्यकामा ४ महिनापछि वर्षा, सुकेका बाली फस्टाउने अपेक्षा

काठमाडौं । बागमति प्रदेश आसपासको क्षेत्र सहित काठमाडौं उपत्यकामा आइतबार लामो समयपछि असिनासहित वर्षा भएको छ । पश्चिमी वायुको प्रभावका कारणले लामो समयपछि वर्षा भएको हो ।

कालो बादलसहित पानी पर्दा दिउँसै अँध्यारो भएको छ । लामो हिउँदे खडेरीपछि परेको पानीले हिउँदे खेतीलाई केही राहात मिलेको छ । काठमाडौंको उत्तरी भेकतिर पनि पानी परेको छ । लगभग काठमाडौंका धेरै ठाउँमा पानी परेको सूचना प्राप्त भएको छ । गण्डकी र प्रदेश १ का पहाडी क्षेत्रका केही स्थानमा पनि अहिले वर्षा भइरहेको छ ।

यो वर्षा एकै ठाउँमा मात्र नभई फरक फरक क्षेत्रमा हुनेछ । ‘प्रभाव पनि विस्तारै घट्दै जाने छ । वर्षाले उपत्यकाको मौसम चिसो महसुस भएको छ । लामो समयको अन्तरालपछि भएको वर्षाका कारण किसान खुसी बनेका छन् । सुकेका खेतबारीमा पानी परेसँगै बाली फस्टाउने अपेक्षा गरिएको छ ।