राष्ट्रपतिका उम्मेदवार नेम्वाङलाई मत दिन अध्यक्ष ओलीको आग्रह,  माधव नेपालसँग सहकार्य हुनसक्ने सम्भावना   

काठमाडौं । नेकपा एमालेका अध्यक्ष केपी शर्मा ओलीले आफ्नो पाटीको  राष्ट्रपतिका उम्मेदवारलाई मत दिन आग्रह  गरेका छन् । उनले कांग्रेस बाहेकका  संसद्मा प्रतिनिधित्व गर्ने सबै दल र स्वतन्त्र सांसदलाई पत्र लेखेर राष्ट्रपतिका उम्मेदवार  सुवास नेम्वाङलाई  मत दिन आग्रह गरेका हुन् । अध्यक्ष केपी शर्मा ओलीको हस्ताक्षर भएको पत्र संसद्मा प्रतिनिधित्व गर्ने राजनीतिक दल र स्वतन्त्र सांसद गरी १७ जनालाई पठाइएका छन् । 
 

एमालेबाट छुट्टिएर बनेको एकीकृत समाजवादीले ओलीको पत्रबाट संवादको ढोका खुलेको जवाफ दिएको छ । निरन्तर संवादमा नै भएकाले सहकार्यको वातावरण बन्न सक्ने उनको प्रतिक्रिया रहेको छ ।  एकीकृत समाजवादीका अध्यक्ष माधव नेपाललाई पठाइएको पत्र सो पार्टीका नेता जगन्नाथ खतिवडाले सामाजिक सञ्जालमा पोस्ट गर्दै प्रतिक्रियासमेत सार्वजनिक गरेका छन् । एकीकृत समाजवादीले एमालेको पत्रको विषयमा आफ्नो धारणा सार्वजनिक गरिसके पनि पाँच दलका नेताहरुले भने मुख खोलेका छैनन् । 

आठ दलीय गठबन्धनले कांग्रेसका रामचन्द्र पौडेललाई राष्ट्रपतिको उम्मेदवार बनाएपछि राप्रपाले सरकारलाई दिएको समर्थन फिर्ता लिँदै सरकारबाट बाहिरिसकेको छ ।  प्रतिनिधिसभामा १९ सिट रहेको रास्वपाले पनि राष्ट्रपतिमा कसलाई समर्थन गर्ने भन्ने निर्णय गरिसकेको छैन । 

राष्ट्रपति पदको निर्वाचन फागुन २५ गते हुँदै छ । शुक्रवार साँझ बसेको पाटीको बेठकले आठ दलीय गठबन्धन कायम गरेर राष्ट्रपति पदको उम्मेदवार नेपाली कांग्रेसलाई दिने निर्णय गरेसगैं सो राष्ट्रपति निर्वाचनका लागि नेपाली कांग्रेसका रामचन्द्र पौडेल र नेकपा एमालेबाट सुवास नेम्वाङले शनिवार मनोनयन दर्ता गराइसेका छन् ।