आत्मनिर्भर लघुवित्तको आईपीओ निष्कासन, कहिलेसम्म दिन पाइन्छ आवेदन ?

काठमाडौ । आत्मनिर्भर लघुवित्त कम्पनीको आईपीओ निष्कासन भएको छ । कम्पनीले सर्वसाधारण लगानीकर्ताहरुका लागि आज बिहीबारदेखि ६ करोड २३ लाख ३८ हजार रुपैयाँको २ करोड ३ लाख ३८ हजार रुपैयाँ बराबरको आईपीओ निष्काशन गरेको हो ।

जसअनुसार प्रतिसेयर १०० अंकित मूल्यमा २ लाख ३ हजार ३८० कित्ता सेयर कम्पनीले निष्कासन गरेको छ । यसमध्ये वैदेशिक रोजगारीमा रहेका नेपालीहरुका लागि २० हजार ३३८ कित्ता सेयर निष्कासन गरिसकेको छ । यस्तै, कर्मचारीहरुका लागि जारी पुँजीको ३ हजार ११७ कित्ता सेयर र सामूहिक लगानी कोषका लागि १० हजार १७० कित्ता सुरक्षित गरिएको छ ।

बाँकी रहेको १ लाख ६९ हजार ७५५ कित्ता सेयरमा सर्वसाधारण लगानीकर्ताले फागुन १५ गतेसम्म आवेदन दिन सक्ने कम्पनीले जनाएको छ । सो अवधिमा सबै सेयर बिक्री नभएमा भने फागुन २५ गतेसम्म पनि भर्न पाइनेछ । आवेदकहरुले यस आईपिओमा न्यूनतम १० कित्तादेखि अधिकतम १ हजार कित्ताका लागि आवेदन दिन सक्नेछन ।