सांसद घोषणाको माग गर्दै उमेश श्रेष्ठ निर्वाचन आयोगमा

काठमाडौं/ २२ माघ, आफूलाई प्रतिनिधिसभाको सांसद घोषणा गर्न माग गर्दै उमेश श्रेष्ठले निर्वाचन आयोगमा निवेदन दर्ता गराएका छन् । चितवन क्षेत्र नं. २ बाट निर्वाचित राष्ट्रिय स्वतन्त्र पार्टीका सांसद रवि लामिछानेको नागरिकता मुद्दामा सर्वोच्च अदालतबाट फैसला हुँदा पद मुक्त भएपछि श्रेष्ठ आफूलाई सांसद घोषणा गर्न माग गर्दै निर्वाचन आयोगमा निवेदन दिएका हुन् । श्रेष्ठ लामिछानेका निकटतम प्रतिस्पर्धी हुन् ।

नेपाली नागरिकता नभएको र संविधान तथा निर्वाचन कानूनले प्रतिबन्ध गरेको कुरालाई बेवास्ता गर्दै रावी लामिछानेलाई उम्मेवदार बनाएको र सर्वोच्च अदालतले त्यसको किनारा लगाइ लामिछाने पद मुक्त भएकोले आफूलाई संविधानको धारा ८७ (१) र निर्वाचन ऎन२०७३ को दफा १२ बमोजिम आफूलाइ  निर्वाचित भएको प्रमाणपत्र आयोगले दिनुपर्छ भन्ने श्रेष्ठको दावी छ । दावीका लागि श्रेष्ठ आज आइतबार ११:३० मा निर्वाचन आयोग बहादुर भवन काठमाडौं पुगेर निवेदन दर्ता गराएका छन् ।