सांसद घोषणाको माग गर्दै श्रेष्ठ निर्वाचन आयोग जाने

काठमाडौं/ २१ माघ, आफूलाई प्रतिनिधिसभाको सांसद घोषणा गर्न माग गर्दै उमेश श्रेष्ठ निर्वाचन आयोग जाने भएका छन् । चितवन क्षेत्र नं। २ बाट निर्वाचित राष्ट्रिय स्वतन्त्र पार्टीका सांसद रवि लामिछानेको नागरिकता मुद्दामा सर्वोच्च अदालतबाट फैसला हुँदा पद मुक्त भएपछि श्रेष्ठ आफूलाई सांसद घोषणा गर्न माग गर्दै निर्वाचन आयोग जान लागेका हुन् । श्रेष्ठ लामिछानेका निकटतम प्रतिस्पर्धी हुन् ।

गत मंंसिर ४ गते सम्पन्न निर्वाचनमा चितवन क्षेत्र नं। २ बाट नेपाली कांग्रेसका तर्फबाट उम्मेदवार रहेका श्रेष्ठले भोली ११:३० बजे निर्वाचन आयोग जाने तयारी गरिरहेका छन् । ‘निर्वाचन ऎनको दफा ४ बमोजिम मलाई नै सांसद घोषणा गर्नु पर्छ , किनकी रबि लामिछाने लाई अदालतले नेपालीको संबैधानको धारा ८७(१) र निर्वाचन ऎन२०७३ को दफा १२ बमोजिम लामिछानेको उम्मेदवारी अयोग्य अदालतले घोषणा गरेको अबस्थामा र नागरिकता समेत कायम नरहेकोले मलाई निर्वाचित भएको प्रमाणपत्र आयोगले दिनुपर्छ। दावीका लागि म आइतबार ११:३० मा निर्वाचन आयोग बहादुर भवन काठमाडौंमा निवेदन दर्ता गराउने छु।’ श्रेष्ठ भन्छन्।