केपी ओली कप : कोशी प्रदेशकाे सहज जित

काठमाडौं । केपी ओली कप टी-२० क्रिकेट प्रतियोगितामा मदन भण्डारी स्पोर्ट्स एकेडेमी ‘निलो’ कोशी प्रदेशसँग पराजित भएको छ ।

कास्कीको पोखरा रङ्गशालामा आज भएको खेलमा कोशीले मदन भण्डारी ‘निलो’लाई ९ विकेटले पराजित गरेको हो ।

खेलमा टस हारेर ब्याटिङको निम्तो पाएको मदन भण्डारी ‘निलो’ले १७.५ ओभरमा अल आउट हुन अघि ६७ रन बनाउँदै कोशी प्रदेशलाई ६८ रनको लक्ष्य दिएको थियो । मदन भण्डारी ‘निलो’ले दिएको लक्ष्य पछ्याएको कोशीले ७.४ ओभरमा १ विकेट गुमाएर पूरा गर्‍यो ।

प्रतियोगितामा ७ प्रदेशका ७ टिम तथा विभागीय टिम नेपाल पुलिस, नेपाल आर्मी, एपीएफ र मदन भण्डारी स्पोर्ट्स एकेडेमीको रातो र निलो गरी १२ टिमको सहभागिता छ । प्रतियोगिताको विजेताले ५ लाख र उपविजेताले २ लाख ५० हजार रुपैयाँ प्राप्त गर्नेछन् ।