यसपटकको मनसुनले यति धेरै क्षति गर्ला भन्ने पूर्वानुमान नै भएन : प्रधानमन्त्री ओली

काठमाडौं । प्रधानमन्त्री केपी शर्मा ओलीले यसपटकको मनसुनले यति धेरै क्षति पुर्‍याउँछ भन्ने आँकलन नै गर्न नसकिएको बताएका छन् । प्रधानमन्त्री तथा मन्त्रिपरिषद् कार्यालयमा आज आयोजित पत्रकार सम्मेलनमा ओलीले क्षतिको पूर्वानुमान नै गर्न नसकिएको बताएका हुन् । 

‘यो अचानक आइपर्‍यो । हाम्रो तयारी यस प्रकारको परिस्थितिका लागि थिएन । यस प्रकारको पानी पर्ला, यस्तो पहिरो जाला र क्षति होला भन्ने अनुमान थिएन ।’प्रधानमन्त्री ओलीले भने, ‘प्राकृतिक विपत्तिका लागि पूर्वतयारी सधैं हुने खालको लागि थियो । यो अलि ठूलै विपत्ति आइलाग्यो ।’

​उनले एकैपटक धेरैतिर क्षति पुगेकाले प्राथमकिताक्रम निर्धारण गर्न खोज्दा कतै उद्धारमा ढिलाई भए पनि जानीजानी लापरबाही नगरिएको बताएका छन् ।