राष्ट्रिय परीक्षा बोर्डको वेबसाइटमा समस्या

काठमाडौं । राष्ट्रिय परीक्षा बोर्डको वेबसाइटमा समस्या आएको छ । वेबसाइटमा हाल लेखामान बोर्ड नामक चार्टर्ड एकाउन्टको लिंक खुलिरहेको छ । नेपाल सरकारबाट नेपाल चार्टर्ड एकाउन्टेन्ट्स ऐन, २०५३ बमोजिम गठित बोर्डको डिटेल बोर्डको वेबसाइटमा देखिन्छ ।

अहिले वेबसाइटमा समस्या देखिएको बताइएको छ । सिंहदरबारमा रहेको एकीकृत डाटा व्यवस्थापन केन्द्र (राष्ट्रिय सूचना प्रविधि केन्द्र) मा समस्या आएपछि त्यसमार्फत सञ्चालनमा रहेको बोर्ड लगायत अन्य निकायहरूको वेबसाइटमा समस्या देखिएको जनाइएको छ । 

बोर्डको मुख्य वेबसाइटमा समस्या आएपछि अहिले बोर्डबाट जारी गरिने सूचनाहरू WWW.SEE.GOV.NP मार्फत सार्वजनिक गर्दै आएको छ । समस्याको समाधानका लागि काम भइरहेको र केही दिनमा ठिक हुने बताइएको छ ।